Plantun de Prouvènço

Pèr coumpara dos planto d'encò nostre

Buxus sempervirens & Foeniculum vulgare var. azoricum

Bouis

Buxus sempervirens

Buxaceae

Autre noum : Bouisse.

Nom en français : Buis.

Descripcioun :
Aubret que fai souvènti-fes de bouissoun sus la roucaio, li relarg de l'éuse e subretout dóu roure. Flouris au mes de mars emé uno forto oudour. Douno de pichot fru redoun e banaru (l'oulo). Li fueio soun lisco e espèsso.

Usanço :
Lou bouis èro acampa, chapouta e mescla i fenso de fedo pèr faire de fumié pèr lou jardin (O. Madon e TdF : "lou bouis es un bon fumié"). Servié peréu à ajuda à la circulacioun dóu sang di bèsti. Li fueio de bouis en tisano soun vertuouso contro la fèbre e li mau de ren (mèfi pamens qu'èi toussi). Se fai peréu de ban pèr apeisa li mau d'os. Li ramo de bouis servien pèr tout un fube de causo, de l'escoubo pèr acampa lou gran i pouciéu. La ligno de bouis douno de poulìdi besougno que lusisson un cop aliscado (cano, boulo...).

Port : Aubret
Taio : Pancaro entresigna
Fueio : óupousado
Tipe bioulougico : Pancaro entresigna
Cicle bioulougico : Pancaro entresigna

Gènre : Buxus
Famiho : Buxaceae

Coulour de la flour : Verdo
Petalo : ges
Ø (o loungour) flour : Pancaro entresigna
Flourido : Printems

Sòu : Ca
Autour basso e auto : Pancaro entresigna
Aparado : Noun

Liò : Colo - Garrigo
Estànci : Pancaro entresigna
Couroulougi : Pancaro entresigna
Ref. sc. : Buxus sempervirens L., 1753

Fenoui

Foeniculum vulgare var. azoricum

Apiaceae Umbelliferae

Autre noum : Fenoun.

Nom en français : Fenouil cultivé.

Descripcioun :
Lou fenoui cultiva es uno varieta à baso caboussudo ; soun li pecou di fueio que soun desveloupa e poupous.

Usanço :
Èi cultiva pèr èstre manja de mant'un biais, en ensalado, tian... A li mémi prouprieta que lou fenoui fèr.

Port : Grando erbo
Taio : 2 à 2,5 m
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Foeniculum
Famiho : Apiaceae
Famiho classico : Umbelliferae

Ordre : Apiales

Coulour de la flour : Jauno
Petalo : 5
Ø (o loungour) enflourejado : 4 à 8 cm
Flourido : Estiéu - Autouno

Sòu : Ca
Autour basso e auto : 0 à 600 m
Aparado : Noun
Setèmbre à nóuvèmbre

Liò : Culturo
Estànci : Termoumediterran à Subremediterran
Couroulougi : Paleoutemperado
Ref. sc. : Foeniculum vulgare var. azoricum (Mill.) Thell.

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

Buxus sempervirens & Foeniculum vulgare var. azoricum

Coumpara Bouis emé uno autro planto

Coumpara Fenoui emé uno autro planto